gham judai ka na shayad mujhe itna hota

ġham judā.ī kā na shāyad mujhe itnā hotā

tum ne ai kaash jo mujh ko kabhī samjhā hotā

ibn-e-ādam na kabhī is tarah tishna hotā

ret pe us ko jo paanī kā na dhokā hotā

ain mumkin hai ki zid chhoḌ ke vo ruk jaatā

jaane vaale ne jo muḌ kar mujhe dekhā hotā

kyā ajab hai ki vo gandum ko na chhūtā hargiz

mard-e-avval na agar baḳht kā maarā hotā

do qadam saath to milte mire ahbāb 'naresh'

kaash har dost ne vishvās na toḌā hotā

gham judai ka na shayad mujhe itna hota

tum ne ai kash jo mujh ko kabhi samjha hota

ibn-e-adam na kabhi is tarah tishna hota

ret pe us ko jo pani ka na dhoka hota

ain mumkin hai ki zid chhoD ke wo ruk jata

jaane wale ne jo muD kar mujhe dekha hota

kya ajab hai ki wo gandum ko na chhuta hargiz

mard-e-awwal na agar baKHt ka mara hota

do qadam sath to milte mere ahbab 'naresh'

kash har dost ne wishwas na toDa hota