gham ke hathon shukr-e-KHuda hai ishq ka charcha aam nahin
gham ke hathon shukr-e-KHuda hai ishq ka charcha aam nahin
Waheed Quraishi
MORE BYWaheed Quraishi
ġham ke hāthoñ shukr-e-ḳhudā hai ishq kā charchā aam nahīñ
galī galī patthar paḌte hoñ ham aise badnām nahīñ
vo bhī kyā din the jin rozoñ be-fikrī meñ sote the
ab kaisī uftād paḌī hai chain nahīñ ārām nahīñ
dil ke ujaḌte hī āñkhoñ ne haif ye aalam dekh liyā
jalva sar-e-rah koī nahīñ hai koī ba-rū-e-bām nahīñ
jis ke asar se be-ḳhud ho kar apne ta.iiñ ham rusvā hoñ
mauj-e-mai-gul ke hāthoñ meñ aisā koī jaam nahīñ
dil kā ronā dil kā khonā laakh azāb-e-alīm sahī
himmat haar ke baiTh hī jaa.eñ ham aise nākām nahīñ
gham ke hathon shukr-e-KHuda hai ishq ka charcha aam nahin
gali gali patthar paDte hon hum aise badnam nahin
wo bhi kya din the jin rozon be-fikri mein sote the
ab kaisi uftad paDi hai chain nahin aaram nahin
dil ke ujaDte hi aankhon ne haif ye aalam dekh liya
jalwa sar-e-rah koi nahin hai koi ba-ru-e-baam nahin
jis ke asar se be-KHud ho kar apne tain hum ruswa hon
mauj-e-mai-gul ke hathon mein aisa koi jam nahin
dil ka rona dil ka khona lakh azab-e-alim sahi
himmat haar ke baiTh hi jaen hum aise nakaam nahin
Source:
Nuquush Lahore (Pg. 436)
- Author: Mohd Tufail
-
- Edition: Feb.1956
- Publisher: Idara Farog-e-urdu, Lahore
- Year of Publication: Feb.1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
