gham KHushi achchha bura sab Thik tha

ġham ḳhushī achchhā burā sab Thiik thā

zindagī meñ jo huā sab Thiik thā

aaj vīrāne meñ aa kar ye lagā

shor-o-ġhul mauj-e-balā sab Thiik thā

zindagī jaisī bhī thī achchhī rahī

be-sabab jo kuchh kiyā sab Thiik thā

ab ḳhalā meñ aa ke andāza huā

āñdhiyāñ bād-e-sabā sab Thiik thā

ab kahānī se nikal kar ye lagā

ibtidā-tā-intihā sab Thiik thā

vo safīna vo samundar vo havā

vo ubharnā Dūbnā sab Thiik thā

kam se kam sāthī mayassar thā koī

be-vafā yā bā-vafā sab Thiik thā

gham KHushi achchha bura sab Thik tha

zindagi mein jo hua sab Thik tha

aaj virane mein aa kar ye laga

shor-o-ghul mauj-e-bala sab Thik tha

zindagi jaisi bhi thi achchhi rahi

be-sabab jo kuchh kiya sab Thik tha

ab KHala mein aa ke andaza hua

aandhiyan baad-e-saba sab Thik tha

ab kahani se nikal kar ye laga

ibtida-ta-intiha sab Thik tha

wo safina wo samundar wo hawa

wo ubharna Dubna sab Thik tha

kam se kam sathi mayassar tha koi

be-wafa ya ba-wafa sab Thik tha