gham ko dil ka qarar kar liya jae

ġham ko dil kā qarār kar liyā jaa.e

is ḳhizāñ ko bahār kar liyā jaa.e

phir junūñ ko savār kar liyā jaa.e

ḳhud ko phir taar taar kar liyā jaa.e

zindagī kī kamān se nikle

tiir ko ār-pār kar liyā jaa.e

ḳhud-kushī ko udhār rakhte hue

maut kā intizār kar liyā jaa.e

tajraboñ ko bhulā ke chāhte haiñ

tujh pe phir e'tibār kar liyā jaa.e

ek hī shaḳhs to jahān meñ hai

ḳhud ko bhī gar shumār kar liyā jaa.e

soch kar is jahāñ ke baare meñ

ḳhud ko kyuuñ sharmsār kar liyā jaa.e

ab to lagtā dushmanoñ ko bhī

dostoñ meñ shumār kar liyā jaa.e

ashk āñkhoñ meñ phir umaD aa.e

is nadī ko bhī paar kar liyā jaa.e

patthar auroñ pe ab nahīñ uThte

ḳhud ko hī sañgsār kar liyā jaa.e

sun ke apne zamīr kī āvāz

ḳhud ko kyuuñ sharmsār kar liyā jaa.e

gham ko dil ka qarar kar liya jae

is KHizan ko bahaar kar liya jae

phir junun ko sawar kar liya jae

KHud ko phir tar tar kar liya jae

zindagi ki kaman se nikle

tir ko aar-par kar liya jae

KHud-kushi ko udhaar rakhte hue

maut ka intizar kar liya jae

tajrabon ko bhula ke chahte hain

tujh pe phir e'tibar kar liya jae

ek hi shaKHs to jahan mein hai

KHud ko bhi gar shumar kar liya jae

soch kar is jahan ke bare mein

KHud ko kyun sharmsar kar liya jae

ab to lagta dushmanon ko bhi

doston mein shumar kar liya jae

ashk aankhon mein phir umaD aae

is nadi ko bhi par kar liya jae

patthar auron pe ab nahin uThte

KHud ko hi sangsar kar liya jae

sun ke apne zamir ki aawaz

KHud ko kyun sharmsar kar liya jae