gham ko uTha ke dur KHalaon mein Dal do

ġham ko uThā ke duur ḳhalāoñ meñ Daal do

'umr-e-ravāñ ko shīsha-o-sāġhar meñ Daal do

kaif-e-tamām do ki ġham-e-lā-zavāl do

armān koī to mire dil kā nikāl do

saaya mire vujūd pe zulfoñ kā Daal do

varna salāh-e-chāra-e-ranj-o-malāl do

ahl-e-ḳhirad tamāsha-e-buġhz-o-'inād haiñ

ahl-e-ḳhirad ko hadd-e-junūñ se nikāl do

aisā na ho ki phir koī ujḌe mirī tarah

ahl-e-talab ko shauq se merī misāl do

shāmil mirā lahū bhī hai husn-e-jamāl meñ

ik din mujhe bhī dā'vat-e-jashn-e-jamāl do

ik jumbish-e-nigāh-e-mohabbat-navāz se

kāñTe mire vujūd se ġham ke nikāl do

karnā hai vā abhī to mujhe 'uqda-e-hayāt

thoḌī sī aur bhī mire sāġhar meñ Daal do

behtar nahīñ huzūr ta'alluq ḳharāb hoñ

achchhā hai bad-gumāniyāñ dil se nikāl do

aisī ḳhushī bhī kyā jise hāsil nahīñ sabāt

ġham mustaqil jo hoñ mire dāman meñ Daal do

ye husn ye shabāb koī der-pā nahīñ

hasrat koī to 'dard' ke dil kī nikāl do

gham ko uTha ke dur KHalaon mein Dal do

'umr-e-rawan ko shisha-o-saghar mein Dal do

kaif-e-tamam do ki gham-e-la-zawal do

arman koi to mere dil ka nikal do

saya mere wujud pe zulfon ka Dal do

warna salah-e-chaara-e-ranj-o-malal do

ahl-e-KHirad tamasha-e-bughz-o-'inad hain

ahl-e-KHirad ko hadd-e-junun se nikal do

aisa na ho ki phir koi ujDe meri tarah

ahl-e-talab ko shauq se meri misal do

shamil mera lahu bhi hai husn-e-jamal mein

ek din mujhe bhi da'wat-e-jashn-e-jamal do

ek jumbish-e-nigah-e-mohabbat-nawaz se

kanTe mere wujud se gham ke nikal do

karna hai wa abhi to mujhe 'uqda-e-hayat

thoDi si aur bhi mere saghar mein Dal do

behtar nahin huzur ta'alluq KHarab hon

achchha hai bad-gumaniyan dil se nikal do

aisi KHushi bhi kya jise hasil nahin sabaat

gham mustaqil jo hon mere daman mein Dal do

ye husn ye shabab koi der-pa nahin

hasrat koi to 'dard' ke dil ki nikal do