aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gham mein ahd-e-shabab jata hai

Meer Kallu Arsh

gham mein ahd-e-shabab jata hai

Meer Kallu Arsh

MORE BYMeer Kallu Arsh

    ġham meñ ahd-e-shabāb jaatā hai

    āsmāñ ḳhaak meñ milātā hai

    kaun gul bahr-e-sair aatā hai

    baaġh phūlā nahīñ samātā hai

    arsh par bhī ġhubār jaatā hai

    dil jo vahshat meñ ḳhaak uḌātā hai

    jaan detā hai sabza-e-ḳhat par

    ḳhizr har roz zahr khātā hai

    teġh-e-qātil jo ho ga.ī be-āb

    zaḳhm paanī magar churātā hai

    zinde marte haiñ murde jiite haiñ

    jab vo rashk-e-masīh gaatā hai

    sahar-e-shām-e-vasl hai shab-gor

    maut aatī hai yaar jaatā hai

    achchhī paḌtī hai jab koī talvār

    dahan-e-zaḳhm muskurātā hai

    ḳhūn-e-ushshāq uThā biiḌā

    be-sabab kab vo paan khātā hai

    jigar-e-sañg ho jahāñ paanī

    vo vahāñ mujh ko āzmātā hai

    jo gul hai to maiñ bhī shabnam huuñ

    mujhe hañsnā tirā rulātā hai

    ḳhush ye marne se huuñ mirā lāsha

    gor meñ bhī nahīñ samātā hai

    lāla-e-koh se huā sābit

    ḳhūn-e-fariyād josh khātā hai

    laakh taqlīd kījiye ai 'arsh'

    par kab andāz-e-'mīr' aatā hai

    gham mein ahd-e-shabab jata hai

    aasman KHak mein milata hai

    kaun gul bahr-e-sair aata hai

    bagh phula nahin samata hai

    arsh par bhi ghubar jata hai

    dil jo wahshat mein KHak uData hai

    jaan deta hai sabza-e-KHat par

    KHizr har roz zahr khata hai

    tegh-e-qatil jo ho gai be-ab

    zaKHm pani magar churaata hai

    zinde marte hain murde jite hain

    jab wo rashk-e-masih gata hai

    sahar-e-sham-e-wasl hai shab-gor

    maut aati hai yar jata hai

    achchhi paDti hai jab koi talwar

    dahan-e-zaKHm muskuraata hai

    KHun-e-ushshaq ka uTha biDa

    be-sabab kab wo pan khata hai

    jigar-e-sang ho jahan pani

    wo wahan mujh ko aazmata hai

    tu jo gul hai to main bhi shabnam hun

    mujhe hansna tera rulata hai

    KHush ye marne se hun mera lasha

    gor mein bhi nahin samata hai

    lala-e-koh se hua sabit

    KHun-e-fariyaad josh khata hai

    lakh taqlid kijiye ai 'arsh'

    par kab andaz-e-'mir' aata hai

    Source:

    Deewan-e-Arsh (Pg. ebook-189 page-190)

    • Author: Meer Kallu Arsh
      • Edition: 1987
      • Publisher: Anjuman Taraqqi Urdu (Hind), Delhi
      • Year of Publication: 1987
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now