gham o nashat ki har rahguzar mein tanha hun

Makhmoor Saeedi

gham o nashat ki har rahguzar mein tanha hun

Makhmoor Saeedi

MORE BYMakhmoor Saeedi

    ġham o nashāt har rahguzar meñ tanhā huuñ

    mujhe ḳhabar hai maiñ apne safar meñ tanhā huuñ

    mujhī pe sañg-e-malāmat bārisheñ hoñgī

    ki is dayār meñ shorīda-sar meñ tanhā huuñ

    tire ḳhayāl ke jugnū bhī saath chhoḌ ga.e

    udaas raat ke suune khañDar meñ tanhā huuñ

    girāñ nahīñ hai kisī par ye raat mere sivā

    ki mubtilā maiñ ummīd-e-sahar meñ tanhā huuñ

    na chhoḌ saath mirā in akelī rāhoñ meñ

    dil-e-ḳharāb tirā ham-safar maiñ tanhā huuñ

    vo be-niyāz ki dekhī ho jaise ik duniyā

    mujhe ye naaz maiñ us nazar meñ tanhā huuñ

    mujhī se kyuuñ hai ḳhafā merā ā.īna 'maḳhmūr'

    is andhe shahr meñ kyā ḳhud-nigar maiñ tanhā huuñ

    gham o nashat ki har rahguzar mein tanha hun

    mujhe KHabar hai main apne safar mein tanha hun

    mujhi pe sang-e-malamat ki barishen hongi

    ki is dayar mein shorida-sar mein tanha hun

    tere KHayal ke jugnu bhi sath chhoD gae

    udas raat ke sune khanDar mein tanha hun

    giran nahin hai kisi par ye raat mere siwa

    ki mubtila main ummid-e-sahar mein tanha hun

    na chhoD sath mera in akeli rahon mein

    dil-e-KHarab tera ham-safar main tanha hun

    wo be-niyaz ki dekhi ho jaise ek duniya

    mujhe ye naz main us ki nazar mein tanha hun

    mujhi se kyun hai KHafa mera aaina 'maKHmur'

    is andhe shahr mein kya KHud-nigar main tanha hun

    RECITATIONS

    Nomaan Shauque

    Nomaan Shauque

    Nomaan Shauque

    gham o nashat ki har rahguzar mein tanha hun Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY