gham se fursat nahin ki tujhse kahen

ġham se fursat nahīñ ki tujh se kaheñ

tujh ko raġhbat nahīñ ki tujh se kaheñ

hijr-patthar gaḌā hai siine meñ

par vo shiddat nahīñ ki tujh se kaheñ

aarzū kasmasā.e phirtī hai

koī sūrat nahīñ ki tujh se kaheñ

ḳhāmushī kī zabāñ samajh lenā

apnī aadat nahīñ ki tujh se kaheñ

dard had se sivā to hai lekin

aisī hālat nahīñ ki tujh se kaheñ

dil ko ab bhī tirā junūñ hai 'asad'

aisī vahshat nahīñ ki tujh se kaheñ

gham se fursat nahin ki tujh se kahen

tujh ko raghbat nahin ki tujh se kahen

hijr-patthar gaDa hai sine mein

par wo shiddat nahin ki tujh se kahen

aarzu kasmasae phirti hai

koi surat nahin ki tujh se kahen

KHamushi ki zaban samajh lena

apni aadat nahin ki tujh se kahen

dard had se siwa to hai lekin

aisi haalat nahin ki tujh se kahen

dil ko ab bhi tera junun hai 'asad'

aisi wahshat nahin ki tujh se kahen