غم سے گر آشنا نہیں ہوتا
غم سے گر آشنا نہیں ہوتا
آدمی کام کا نہیں ہوتا
اک نیا راستہ نکلتا ہے
جب کوئی راستہ نہیں ہوتا
آدمی سے خطا بھی ہوتی ہے
آدمی دیوتا نہیں ہوتا
مے کدے میں سب ایک ہوتے ہیں
کوئی چھوٹا بڑا نہیں ہوتا
عشق میں جنگ میں سیاست میں
کچھ بھی ہو ناروا نہیں ہوتا
زیست میں وہ گھڑی بھی آتی ہے
جب کوئی آشنا نہیں ہوتا
جب وہ میرے قریب ہوتے ہیں
مجھ کو اپنا پتہ نہیں ہوتا
ہے عجب دور بے وفائی کا
کوئی وعدہ وفا نہیں ہوتا
ہم نہ دیکھیں یہ اور بات ظفرؔ
وہ کہاں رونما نہیں ہوتا
مأخذ:
خموش لب (Pg. 175)
- مصنف: ظفر محمود ظفر
-
- ناشر: عرشیہ پبلی کیشنز، دہلی
- سن اشاعت: 2019
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
