ġham uThāte haiñ vahī aksar ḳhushī paane ke ba.ad
jo ḳhizāñ ko bhuul jaate haiñ bahār aane ke ba.ad
zindagī yuuñ kaT rahī hai un ke Thukrāne ke ba.ad
jaise ik mahfil kī hālat sham.a bujh jaane ke ba.ad
ahl-e-kashtī tum ko ye har mauj detī hai payām
pāoge sāhil magar tūfāñ se Takrāne ke ba.ad
jo bhī pyāsā aa.e us kī pyaas bujhnā chāhiye
bandisheñ kaisī dar-e-mai-ḳhāna khul jaane ke ba.ad
jaise ham daur-e-jahālat se bhī pīchhe haT ga.e
aisī bāteñ kar rahe haiñ hosh meñ aane ke ba.ad
hoshiyār ai qāfile vaalo ki aksar qāfile
luT ga.e haiñ sarhad-e-manzil pe aa jaane ke ba.ad
ai falak ham bhūlte jaate haiñ andāz-e-ḳhalīl
ham pe añgāre bhī barsā phuul barsāne ke ba.ad
saḳht hotā hai shu.ūr-e-zindagī kā imtihāñ
inqalāb aane se pahle inqalāb aane ke ba.ad
inqilāb-e-vaqt ke sho.aloñ meñ baḌh ke kuud jā
zindagī miltī hai parvāne ko jal jaane ke ba.ad
haañ taḌapne kā bhī 'shārib' ik salīqa chāhiye
tau sahī duniyā na taḌpe ham ko taḌpāne ke ba.ad
gham uThate hain wahi aksar KHushi pane ke baad
jo KHizan ko bhul jate hain bahaar aane ke baad
zindagi yun kaT rahi hai un ke Thukrane ke baad
jaise ek mahfil ki haalat shama bujh jaane ke baad
ahl-e-kashti tum ko ye har mauj deti hai payam
paoge sahil magar tufan se Takrane ke baad
jo bhi pyasa aae us ki pyas bujhna chahiye
bandishen kaisi dar-e-mai-KHana khul jaane ke baad
jaise hum daur-e-jahaalat se bhi pichhe haT gae
aisi baaten kar rahe hain hosh mein aane ke baad
hoshiyar ai qafile walo ki aksar qafile
luT gae hain sarhad-e-manzil pe aa jaane ke baad
ai falak hum bhulte jate hain andaz-e-KHalil
hum pe angare bhi barsa phul barsane ke baad
saKHt hota hai shuur-e-zindagi ka imtihan
inqalab aane se pahle inqalab aane ke baad
inqilab-e-waqt ke shoalon mein baDh ke kud ja
zindagi milti hai parwane ko jal jaane ke baad
han taDapne ka bhi 'shaarib' ek saliqa chahiye
tau sahi duniya na taDpe hum ko taDpane ke baad
Source:
Firdaus-e-Nazar (Pg. 59)
-
Author:
Sultan Haider Khan
-
- Publisher: Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.