gham yan to bika hua khaDa hai

ġham yaañ to bikā huā khaḌā hai

fidvī hai fidā huā khaḌā hai

hiltā nahīñ tere dar se ye ishq

muddat se milā huā khaḌā hai

ḳhūnīñ-kafan-e-shahīd-e-ulfat

dūlhā sā banā huā khaḌā hai

Tuk gosha-e-chashm idhar bhī koī

kone se lagā huā khaḌā hai

dāman kā hai gher gird-e-jānāñ

kyuuñ jī vo ghirā huā khaḌā hai

yuuñ dil ko baġhal meñ maiñ ne paalā

ye mujh pe pilā huā khaḌā hai

kyā samjhe namāz-e-ishq nāseh

qible se bharā huā khaḌā hai

mujre ko tumhāre abrūoñ ke

mehrāb jhukā huā khaḌā hai

mīzān nahīñ miltī merī us kī

ġhussa meñ pilā huā khaḌā hai

ghar se to nikal ki dar pe 'ehsān'

kyā ġham meñ ghirā huā khaḌā hai

palkoñ se girī hai ashk Tap Tap

paT se vo lagā huā khaḌā hai

gham yan to bika hua khaDa hai

fidwi hai fida hua khaDa hai

hilta nahin tere dar se ye ishq

muddat se mila hua khaDa hai

KHunin-kafan-e-shahid-e-ulfat

dulha sa bana hua khaDa hai

Tuk gosha-e-chashm idhar bhi koi

kone se laga hua khaDa hai

daman ka hai gher gird-e-jaanan

kyun ji wo ghira hua khaDa hai

yun dil ko baghal mein main ne pala

ye mujh pe pila hua khaDa hai

kya samjhe namaz-e-ishq naseh

qible se bhara hua khaDa hai

mujre ko tumhaare abruon ke

mehrab jhuka hua khaDa hai

mizan nahin milti meri us ki

ghussa mein pila hua khaDa hai

ghar se to nikal ki dar pe 'ehsan'

kya gham mein ghira hua khaDa hai

palkon se giri hai ashk Tap Tap

paT se wo laga hua khaDa hai