ghamon ki dhup mein bargad ki chhanw jaisi hai
ġhamoñ kī dhuup meñ bargad kī chhāñv jaisī hai
mire liye mirī ham-shīr maaoñ jaisī hai
bhaTaktā huuñ tū mujhe rāsta dikhātī hai
vo ham-safar hai magar rahnumāoñ jaisī hai
ho jaise ek hī kumbe kī saarī ābādī
fazā hamāre mohalle kī gaañv jaisī hai
na.e bashar ne musaḳhḳhar kiye mah-o-anjum
na.e dimāġh meñ vus.at ḳhalāoñ jaisī hai
haqīqatoñ ke muqābil Thahar nahīñ saktī
purānī fikr bhī jhūTe ḳhudāoñ jaisī hai
ḳhalā-navardoñ kī manzil nahīñ paḌāv hai
misāl chāñd kī 'siprā' sarāoñ jaisī hai
ghamon ki dhup mein bargad ki chhanw jaisi hai
mere liye meri ham-shir maon jaisi hai
bhaTakta hun tu mujhe rasta dikhati hai
wo ham-safar hai magar rahnumaon jaisi hai
ho jaise ek hi kumbe ki sari aabaadi
faza hamare mohalle ki ganw jaisi hai
nae bashar ne musaKHKHar kiye mah-o-anjum
nae dimagh mein wusat KHalaon jaisi hai
haqiqaton ke muqabil Thahar nahin sakti
purani fikr bhi jhuTe KHudaon jaisi hai
KHala-nawardon ki manzil nahin paDaw hai
misal chand ki 'sipra' saraon jaisi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
