ghamon ki sui mein yaaden piro kar
ġhamoñ kī suuī meñ yādeñ piro kar
udāsī ne bunā hai merā sweater
kisī tanhā.ī kā betāl mujh se
aa lipTā naam ke dhoke meñ aa kar
ziyāda vazn hai TuuTe na kashtī
bachā le ḳhud ko tū mujh ko girā kar
savere kaam par lauTā karūñgā
dihāḌī meñ milī shab ko gañvā kar
tumheñ kuchh yaad hai tum DhūñDhte the
maiñ kho jaatā thā jab ḳhud ko chhupā kar
galī meñ gasht par aaseb hai ab
so ghar ko hī banā lenā hai daftar
ghamon ki sui mein yaaden piro kar
udasi ne buna hai mera sweater
kisi tanhai ka betal mujh se
aa lipTa nam ke dhoke mein aa kar
ziyaada wazn hai TuTe na kashti
bacha le KHud ko tu mujh ko gira kar
sawere kaam par lauTa karunga
dihaDi mein mili shab ko ganwa kar
tumhein kuchh yaad hai tum DhunDhte the
main kho jata tha jab KHud ko chhupa kar
gali mein gasht par aaseb hai ab
so ghar ko hi bana lena hai daftar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
