ghamon se rishta hai apna bhi dosti ki tarah

ġhamoñ se rishta hai apnā bhī dostī kī tarah

mile haiñ ashk bhī ham ko yahāñ hañsī kī tarah

karam kī zahmat-e-be-jā kā shukriya lekin

tumhāre dard ko chāhā hai zindagī kī tarah

maiñ apnā dard liye ab kahāñ kahāñ jā.ūñ

mujhe rafīq bhī milte haiñ ajnabī kī tarah

sharīf log bhī hote haiñ maslahat kā shikār

ujāle aaj bhī milte haiñ tīrgī kī tarah

ye kis ne sham.eñ jalā.ī haiñ apnī yādoñ kī

añdhere ghar meñ hai ye kaun raushnī kī tarah

kisī ḳhayāl meñ aksar shagufta rahtā huuñ

koī ḳhayāl hai phūloñ kī tāzgī kī tarah

ye aur baat ki ab maiñ 'ra.īs'-e-mahfil huuñ

ġharīb-e-shahr kabhī thā meñ aap hī kī tarah

ghamon se rishta hai apna bhi dosti ki tarah

mile hain ashk bhi hum ko yahan hansi ki tarah

karam ki zahmat-e-be-ja ka shukriya lekin

tumhaare dard ko chaha hai zindagi ki tarah

main apna dard liye ab kahan kahan jaun

mujhe rafiq bhi milte hain ajnabi ki tarah

sharif log bhi hote hain maslahat ka shikar

ujale aaj bhi milte hain tirgi ki tarah

ye kis ne shamen jalai hain apni yaadon ki

andhere ghar mein hai ye kaun raushni ki tarah

kisi KHayal mein aksar shagufta rahta hun

koi KHayal hai phulon ki tazgi ki tarah

ye aur baat ki ab main 'rais'-e-mahfil hun

gharib-e-shahr kabhi tha mein aap hi ki tarah