gañvā ke dil sā guhar dard-e-sar ḳharīd liyā
bahut garāñ thā ye saudā magar ḳharīd liyā
amīn-e-ishq ne dil-e-be-ḳhatar ḳharīd liyā
ye aa.ina ma-e-ā.īna-gar ḳharīd liyā
ġhazab thā ishq kā saudā ki ahl-e-hosh ne bhī
jo kuchh nasīb thā sab bech kar ḳharīd liyā
bhalā ho ġham kī tunuk-zarfī-e-tabī.at kā
agarche baat gañvā dī asar ḳharīd liyā
rah-e-razā meñ hai ḳhūnī-kafan se shān-e-shahīd
to jaan bech ke raḳht-e-safar ḳharīd liyā
jo dil kahe na kahūñ vo jo tū kahe vo kahūñ
to kyā zamīr bhī ai hīla-gar ḳharīd liyā
talāsh-e-aish meñ ai 'ārzū' hai rañj hī rañj
sitam-nasīb ye kyā dard-e-sar ḳharīd liyā
ganwa ke dil sa guhar dard-e-sar KHarid liya
bahut garan tha ye sauda magar KHarid liya
amin-e-ishq ne dil-e-be-KHatar KHarid liya
ye aaina ma-e-aina-gar KHarid liya
ghazab tha ishq ka sauda ki ahl-e-hosh ne bhi
jo kuchh nasib tha sab bech kar KHarid liya
bhala ho gham ki tunuk-zarfi-e-tabiat ka
agarche baat ganwa di asar KHarid liya
rah-e-raza mein hai KHuni-kafan se shan-e-shahid
to jaan bech ke raKHt-e-safar KHarid liya
jo dil kahe na kahun wo jo tu kahe wo kahun
to kya zamir bhi ai hila-gar KHarid liya
talash-e-aish mein ai 'arzu' hai ranj hi ranj
sitam-nasib ye kya dard-e-sar KHarid liya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
