gar abr ghira hua khaDa hai
gar abr ghirā huā khaḌā hai
aañsū bhī tulā huā khaḌā hai
hairān hai kis kā jo samundar
muddat se rukā huā khaḌā hai
hai mausam-e-gul chaman meñ har naḳhl
phūloñ se ladā huā khaḌā hai
shamshād barābar us ke qad ke
dahshat se bachā huā khaḌā hai
hai chaak kisī kā jaib o dāmāñ
koī ḳhasta luTā huā khaḌā hai
tū aa ke to dekh dar pe tere
kyā saañg banā huā khaḌā hai
ḳhalvat ho kabhū to yuuñ kahe vo
koī dar se lagā huā khaḌā hai
maiñ ḳhair hai gar kahūñ to bole
vo dekh chhupā huā khaḌā hai
ḳhūnīñ kafan-e-shahīd-e-ulfat
dūlhā sā banā huā khaḌā hai
terā hī hai intizār us ko
naaqa to kasā huā khaḌā hai
ai jaan nikal ki 'mus.hafī' kā
asbāb ladā huā khaḌā hai
gar abr ghira hua khaDa hai
aansu bhi tula hua khaDa hai
hairan hai kis ka jo samundar
muddat se ruka hua khaDa hai
hai mausam-e-gul chaman mein har naKHl
phulon se lada hua khaDa hai
shamshad barabar us ke qad ke
dahshat se bacha hua khaDa hai
hai chaak kisi ka jaib o daman
koi KHasta luTa hua khaDa hai
tu aa ke to dekh dar pe tere
kya sang bana hua khaDa hai
KHalwat ho kabhu to yun kahe wo
koi dar se laga hua khaDa hai
main KHair hai gar kahun to bole
wo dekh chhupa hua khaDa hai
KHunin kafan-e-shahid-e-ulfat
dulha sa bana hua khaDa hai
tera hi hai intizar us ko
naqa to kasa hua khaDa hai
ai jaan nikal ki 'mushafi' ka
asbab lada hua khaDa hai
- Book : kulliyat-e-mas.hafii(divan-e-doom) (Pg. 261)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
