gar dost bhi sau jafa karega
gar dost bhī sau jafā karegā
dushman bechāra kyā karegā
jab band-e-qabā vo vā karegā
gul chaak apnī qabā karegā
kar ke koī chaah kyā karegā
fariyād-o-fuġhāñ kyā karegā
daaġh apnā charāġh-e-ḳhāna-e-dil
tā sub.h-e-abad jalā karegā
juz be-kasī apnā aur hai kaun
jo da.avā-e-ḳhūñ-bahā karegā
sar-gashtagī kī na raah ho tai
jab tak ki na sar ko pā karegā
jab kaT ke giregā us ke pā par
sar sajda-e-shukr adā karegā
jab umr hī bevafā hai 'besabr'
phir kaun bhalā vafā karegā
gar dost bhi sau jafa karega
dushman bechaara kya karega
jab band-e-qaba wo wa karega
gul chaak apni qaba karega
kar ke koi chah kya karega
fariyaad-o-fughan kya karega
dagh apna charagh-e-KHana-e-dil
ta subh-e-abad jala karega
juz be-kasi apna aur hai kaun
jo dawa-e-KHun-baha karega
sar-gashtagi ki na rah ho tai
jab tak ki na sar ko pa karega
jab kaT ke girega us ke pa par
sar sajda-e-shukr ada karega
jab umr hi bewafa hai 'besabr'
phir kaun bhala wafa karega
Source:
Ghalib Ka Ek Mashshaq Shagird Balmukund Besabr (Pg. 119)
- Author: Kalidas Gupta Raza
-
- Publisher: Sakar Publisher, Mumbai
- Year of Publication: 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
