gar dosto tumne use dekha nahin hota

Nizam Rampuri

gar dosto tumne use dekha nahin hota

Nizam Rampuri

MORE BY Nizam Rampuri

    gar dosto tum ne use dekhā nahīñ hotā

    kahne tumhāre mujhe shikvā nahīñ hotā

    gar kahiye ki milne ko terā nahīñ hotā

    kahtā hai ki haañ haañ nahīñ hotā nahīñ hotā

    qāsid ke bhī gar aane ummīd na hotī

    ik dam bhī to jiine bharosā nahīñ hotā

    yūñhī sahī ham hijr meñ mar jaate balā se

    bas aur to kuchh is se ziyāda nahīñ hotā

    kyuuñ kahte ho tum mujh se ki aanā nahīñ manzūr

    ye kis liye kahte ho ki aanā nahīñ hotā

    go ġhair burā.ī se kareñ zikr hamārā

    itnā bhī to vaañ zikr hamārā nahīñ hotā

    lab tak bhī kabhī harf-e-tamannā nahīñ aayā

    aisā koī mahrūm-e-tamannā nahīñ hotā

    bīmārī-e-hijrāñ se to marnā bhalā thā

    achchhā jo maiñ hotā to kuchh achchhā nahīñ hotā

    gar ġhair se kuchh tum ko mohabbat nahīñ hotī

    to ham ko ye rashk-e-qalaq-afzā nahīñ hotā

    ye sach hai ki tum aaoge par dil ko karūñ kyā

    kahne yaqīñ aap ke aslā nahīñ hotā

    hotā hai vo sab kuchh jo sunā ho kabhī tum ne

    ik tere na hone se yahāñ kyā nahīñ hotā

    ab samjhe ki yuuñ ham ko bulāte na kabhī tum

    gar aap mahfil ye naqshā nahīñ hotā

    go jhuuT ho dhokā ho tasallī to hai dil ko

    hotā hai qalaq aur jo va.ada nahīñ hotā

    maqbūl tamannā to 'nizām' apnī kahāñ ho

    maqbūl vahāñ uzr-e-tamannā nahīñ hotā

    gar dosto tum ne use dekha nahin hota

    kahne ka tumhaare mujhe shikwa nahin hota

    gar kahiye ki ji milne ko tera nahin hota

    kahta hai ki han han nahin hota nahin hota

    qasid ke bhi gar aane ki ummid na hoti

    ek dam bhi to jine ka bharosa nahin hota

    yunhi sahi hum hijr mein mar jate bala se

    bas aur to kuchh is se ziyaada nahin hota

    kyun kahte ho tum mujh se ki aana nahin manzur

    ye kis liye kahte ho ki aana nahin hota

    go ghair burai se karen zikr hamara

    itna bhi to wan zikr hamara nahin hota

    lab tak bhi kabhi harf-e-tamanna nahin aaya

    aisa koi mahrum-e-tamanna nahin hota

    bimari-e-hijran se to marna hi bhala tha

    achchha jo main hota to kuchh achchha nahin hota

    gar ghair se kuchh tum ko mohabbat nahin hoti

    to hum ko ye rashk-e-qalaq-afza nahin hota

    ye sach hai ki tum aaoge par dil ko karun kya

    kahne ka yaqin aap ke asla nahin hota

    hota hai wo sab kuchh jo suna ho kabhi tum ne

    ek tere na hone se yahan kya nahin hota

    ab samjhe ki yun hum ko bulate na kabhi tum

    gar aap ki mahfil ka ye naqsha nahin hota

    go jhuT ho dhoka ho tasalli to hai dil ko

    hota hai qalaq aur jo wada nahin hota

    maqbul tamanna to 'nizam' apni kahan ho

    maqbul wahan uzr-e-tamanna nahin hota

    Source:

    • Book : kulliyat-e-nizaam (Pg. 22)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY