gar ho tamancha-band wo rashk-e-firangiyan

gar ho tamancha-band vo rashk-e-firañgiyāñ

bāñke muġhal bache na kareñ ḳhāna-jañgiyāñ

shoḳhī-mizāj us ke se ab tak ga.ī nahīñ

vaise hī bāñkpan haiñ vahī ġhola-dañgiyāñ

bulbul ke ashk-e-surḳh ne ye kyā ġhazab kiyā

jo tīliyāñ qafas kī sabhī ḳhuuñ meñ rañgiyāñ

gardūñ agarche din ko ġhazāl-e-siyāh hai

par shab ko mere saath kare hai palañgiyāñ

dekhā na hogā vo kabhī 'bezan' ne chaah meñ

jo din mujhe dikhātī haiñ qismat kī tañgiyāñ

aariz pe tere joshash-e-ḳhatt-e-siyāh hai

yā rome par chaḌh aa.ī hai ye fauj-e-zañgiyāñ

kyā jaane kis se bigḌī hai dariyā meñ 'mus.hafī'

lahroñ ke hāthoñ meñ haiñ jo talvāreñ nañgiyāñ

gar ho tamancha-band wo rashk-e-firangiyan

banke mughal bache na karen KHana-jangiyan

shoKHi-mizaj us ke se ab tak gai nahin

waise hi bankpan hain wahi ghola-dangiyan

bulbul ke ashk-e-surKH ne ye kya ghazab kiya

jo tiliyan qafas ki sabhi KHun mein rangiyan

gardun agarche din ko ghazal-e-siyah hai

par shab ko mere sath kare hai palangiyan

dekha na hoga wo kabhi 'bezan' ne chah mein

jo din mujhe dikhati hain qismat ki tangiyan

aariz pe tere joshash-e-KHatt-e-siyah hai

ya rome par chaDh aai hai ye fauj-e-zangiyan

kya jaane kis se bigDi hai dariya mein 'mushafi'

lahron ke hathon mein hain jo talwaren nangiyan