gar ishq se waqif mare mahbub na hota

gar ishq se vāqif mare mahbūb na hotā

hotā na maiñ mahjūr vo mahjūb na hotā

āfat-talab apne jo dil o diida na hote

tālib maiñ tirā tū mirā matlūb na hotā

merī sī tarah ishq se hotā kabhī betāb

e.ajāz-numā sabr kā ayyūb na hotā

naame kā mire ye thā javāb ai mah-e-nau-ḳhat

ye qā.eda-e-qāsid-o-maktūb na hotā

tarġhīb-e-vafā karnā tujhe mujh pe ravā thā

gar sheva jafā kā tirā marġhūb na hotā

'hasrat' na agar us kā qad o zulf banāte

duniyā meñ kahīñ fitna-o-āshob na hotā

gar ishq se waqif mare mahbub na hota

hota na main mahjur wo mahjub na hota

aafat-talab apne jo dil o dida na hote

talib main tera tu mera matlub na hota

meri si tarah ishq se hota kabhi betab

eajaz-numa sabr ka ayyub na hota

name ka mere ye tha jawab ai mah-e-nau-KHat

ye qaeda-e-qasid-o-maktub na hota

targhib-e-wafa karna tujhe mujh pe rawa tha

gar shewa jafa ka tera marghub na hota

'hasrat' na agar us ka qad o zulf banate

duniya mein kahin fitna-o-ashob na hota