gar mere baiThne se wo aazar khinchte

gar mere baiThne se vo āzār khīñchte

to apne dar kī aa ke vo dīvār khīñchte

naaz o adā o ġhamza se yuuñ dil liyā mirā

le jaa.eñ jaise mast ko hushyār khīñchte

vā hasratā huī unheñ aane kī tab ḳhabar

laa.e jab us galī meñ mujhe yaar khīñchte

aa.egā un ke kahne se vo gul yahāñ talak

kāñToñ pe kyuuñ haiñ ab mujhe aġhyār khīñchte

vaañ shauq jāliyoñ kā hai us jāma-zeb ko

yaañ apne pairahan se haiñ ham taar khīñchte

teġh-e-nigāh-e-yār uchaTtī lagī hai phir

barsoñ guzar ga.e mujhe āzār khīñchte

kahte haiñ shab vo kahte the aatā hai jī ghuTā

naale jo ham rahe pas-e-dīvār khīñchte

āzurda un ko dekhte hī jaañ nikal ga.ī

vo dekh mujh ko rah ga.e talvār khīñchte

taskīn' kā chaak chaak huā dil jo shāne ko

dekhā kisī kā turra-e-tarrār khīñchte

gar mere baiThne se wo aazar khinchte

to apne dar ki aa ke wo diwar khinchte

naz o ada o ghamza se yun dil liya mera

le jaen jaise mast ko hushyar khinchte

wa hasrata hui unhen aane ki tab KHabar

lae jab us gali mein mujhe yar khinchte

aaega un ke kahne se wo gul yahan talak

kanTon pe kyun hain ab mujhe aghyar khinchte

wan shauq jaliyon ka hai us jama-zeb ko

yan apne pairahan se hain hum tar khinchte

tegh-e-nigah-e-yar uchaTti lagi hai phir

barson guzar gae mujhe aazar khinchte

kahte hain shab wo kahte the aata hai ji ghuTa

nale jo hum rahe pas-e-diwar khinchte

aazurda un ko dekhte hi jaan nikal gai

wo dekh mujh ko rah gae talwar khinchte

taskin' ka chaak chaak hua dil jo shane ko

dekha kisi ka turra-e-tarrar khinchte