gar us se rabt mera sirf iKHtilafi tha

gar us se rabt mirā sirf iḳhtilāfī thā

to us kā radd-e-amal qābil-e-muāfī thā

mohabbatoñ meñ mafādāt kaun yaad rakhe

so ham ko apne liye ek naam kaafī thā

charāġh jab bhī jalāyā koī to gul na kiyā

ye raushnī kī rivāyāt ke munāfī thā

use ḳhayāl thā merī shikasta-pā.ī kā

ye jānñā bhī to us zaḳhm kī talāfī thā

'humairā' umr guzārī to e'tibār aayā

ki is makān kā sāmān sab izāfī thā

gar us se rabt mera sirf iKHtilafi tha

to us ka radd-e-amal qabil-e-muafi tha

mohabbaton mein mafadat kaun yaad rakhe

so hum ko apne liye ek nam kafi tha

charagh jab bhi jalaya koi to gul na kiya

ye raushni ki riwayat ke munafi tha

use KHayal tha meri shikasta-pai ka

ye jaanna bhi to us zaKHm ki talafi tha

'humaira' umr guzari to e'tibar aaya

ki is makan ka saman sab izafi tha