garche qalam se kuchh na likhenge munh se kuchh nahin bolenge

Ilyas Ishqi

garche qalam se kuchh na likhenge munh se kuchh nahin bolenge

Ilyas Ishqi

MORE BYIlyas Ishqi

    garche qalam se kuchh na likheñge muñh se kuchh nahīñ boleñge

    phir bhī julūs-e-dār chalā to saath ham us ke ho leñge

    vaqt aayā to ḳhuun se apne dāġh-e-nadāmat dho leñge

    sāya-e-zulf meñ jāgne vaale sāya-e-dār meñ so leñge

    kaun se sāhil par ye safīne apnā lañgar kholeñge

    ruḳh pe havā ke ho leñge to dariyā dariyā Doleñge

    jin mallāhoñ ko tūfāñ se tund havā ne paar kiyā

    kyā ab sāhil par aa kar vo apnī naav Dubo leñge

    jab bhī dasht-e-vafā meñ raqs-e-ābla-pā yaañ hovegā

    ahl-e-vafā us se pahle raah meñ kāñTe bo leñge

    lafzoñ se ehsās rishta jis lamhe tak qaa.em hai

    sachche samjho jhūTe kuchh motī ham bhī piro leñge

    nafsā-nafsī ke aalam meñ kaun kisī haath baTā.e

    apnā apnā bojh hai 'ishqī' fardan-fardan Dho leñge

    garche qalam se kuchh na likhenge munh se kuchh nahin bolenge

    phir bhi julus-e-dar chala to sath hum us ke ho lenge

    waqt aaya to KHun se apne dagh-e-nadamat dho lenge

    saya-e-zulf mein jagne wale saya-e-dar mein so lenge

    kaun se sahil par ye safine apna langar kholenge

    ruKH pe hawa ke ho lenge to dariya dariya Dolenge

    jin mallahon ko tufan se tund hawa ne par kiya

    kya ab sahil par aa kar wo apni naw Dubo lenge

    jab bhi dasht-e-wafa mein raqs-e-abla-pa yan howega

    ahl-e-wafa us se pahle hi rah mein kanTe bo lenge

    lafzon se ehsas ka rishta jis lamhe tak qaem hai

    sachche samjho ya jhuTe kuchh moti hum bhi piro lenge

    nafsa-nafsi ke aalam mein kaun kisi ka hath baTae

    apna apna bojh hai 'ishqi' fardan-fardan Dho lenge

    Source:

    • Book : Monthly Usloob (Pg. 370)
    • Author : Mushfiq Khawaja
    • Publication : Usloob 3D 9—26 Nazimabad karachi   180007 (Oct. õ Nov. 1983,Issue No. 5-6)
    • Edition : Oct. õ Nov. 1983,Issue No. 5-6
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY