aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

garche zahir mein hain ahwal munawwar sare

Arshad Kamal

garche zahir mein hain ahwal munawwar sare

Arshad Kamal

MORE BYArshad Kamal

    garche zāhir meñ haiñ ahvāl munavvar saare

    raqs karte haiñ añdhere mire andar saare

    mauja-e-dard banā degā unheñ misl-e-sabā

    vo jo phirte haiñ yahāñ sūrat-e-sarsar saare

    dāġh-e-dil mere farozāñ haiñ zamīñ par aise

    chhupte phirte haiñ falak par mah-o-aḳhtar saare

    mire dariyā-e-suḳhan se hai 'ilāqa kaisā

    vo to pāyāb nadī ke haiñ shanāvar saare

    tishnagī zaaġh ne apnī to bujhā pal meñ

    haif gāgar meñ paḌe rah ga.e kankar saare

    kaun bantā hai safīna yahāñ kis ḳhātir

    yuuñ to maujūd haiñ dariyā meñ shanāvar saare

    rāh-rau aur bhī duniyā meñ haiñ 'arshad' lekin

    merī raah meñ paḌte haiñ samundar saare

    garche zahir mein hain ahwal munawwar sare

    raqs karte hain andhere mere andar sare

    mauja-e-dard bana dega unhen misl-e-saba

    wo jo phirte hain yahan surat-e-sarsar sare

    dagh-e-dil mere farozan hain zamin par aise

    chhupte phirte hain falak par mah-o-aKHtar sare

    mere dariya-e-suKHan se hai 'ilaqa kaisa

    wo to payab nadi ke hain shanawar sare

    tishnagi zagh ne apni to bujha li pal mein

    haif gagar mein paDe rah gae kankar sare

    kaun banta hai safina yahan kis ki KHatir

    yun to maujud hain dariya mein shanawar sare

    rah-rau aur bhi duniya mein hain 'arshad' lekin

    meri hi rah mein paDte hain samundar sare

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now