gardish-e-dauran se ek lamha churane liye
gardish-e-daurāñ se ik lamha churāne liye
sochnā paḌtā hai kitnā muskurāne ke liye
kitnī zahmat jheltā hai ek muflis mezbān
ghar kī bad-halī ko mehmāñ se chhupāne ke liye
bhuuk un ko le ga.ī hai kār-ḳhānoñ kī taraf
ghar se bachche nikle the schōl jaane ke liye
ḳhuun apnā bech kar aayā hai ik majbūr baap
beTiyoñ ke haath par mehñdī lagāne ke liye
zindagī jaltī hai kitnī dozaḳhoñ kī aag meñ
chār-dīvāroñ kī ik jannat banāne ke liye
haa.e tyauhāroñ ne logoñ ko bhikārī kar diyā
qarz lenā paḌtā hai ḳhushiyāñ manāne ke liye
ho rahe haiñ aaj daana āñdhiyoñ meñ mashvare
sirf mere ghar kā ik dīpak bujhāne ke liye
gardish-e-dauran se ek lamha churane liye
sochna paDta hai kitna muskurane ke liye
kitni zahmat jhelta hai ek muflis mezban
ghar ki bad-hali ko mehman se chhupane ke liye
bhuk un ko le gai hai kar-KHanon ki taraf
ghar se bachche nikle the school jaane ke liye
KHun apna bech kar aaya hai ek majbur bap
beTiyon ke hath par mehndi lagane ke liye
zindagi jalti hai kitni dozaKHon ki aag mein
chaar-diwaron ki ek jannat banane ke liye
hae tyauhaaron ne logon ko bhikari kar diya
qarz lena paDta hai KHushiyan manane ke liye
ho rahe hain aaj dana aandhiyon mein mashware
sirf mere ghar ka ek dipak bujhane ke liye
Source:
Fanoos (Pg. 34)
- Author: Abbas Dana
-
- Edition: 1993
- Publisher: Shahid Book Depot Stedum Road Noor Nagar Rakhyal Ahmdabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
