gardish jise matlub hai gulzar mein aawe

gardish jise matlūb hai gulzār meñ aave

hai ishq jise vādī-e-pur-ḳhār meñ aave

ik roz kabhī shakl-e-ḳharīdār meñ aave

dekhe to zarā kūcha-o-bāzār meñ aave

jaate hue jaave hai azīzoñ ko rulā kar

maulūd jo rotā huā sansār meñ aave

huuñ sāmne maiñ us ke vo maare ki jalāve

manzūr hai jo bhī nigah-e-yār meñ aave

badnām agar hogā to kyā naam na hogā

hai shauq use surḳhi-e-aḳhbār meñ aave

dāvat kā agar shauq hai jaave vo kahīñ aur

karne ko siyāsat na vo iftār meñ aave

ā.īne meñ shakl us kī dikhā degā vo us ko

'barqī' ke agar lutf use ash.ār meñ aave

gardish jise matlub hai gulzar mein aawe

hai ishq jise wadi-e-pur-KHar mein aawe

ek roz kabhi shakl-e-KHaridar mein aawe

dekhe to zara kucha-o-bazar mein aawe

jate hue jawe hai azizon ko rula kar

maulud jo rota hua sansar mein aawe

hun samne main us ke wo mare ki jalawe

manzur hai jo bhi nigah-e-yar mein aawe

badnam agar hoga to kya nam na hoga

hai shauq use surKHi-e-aKHbar mein aawe

dawat ka agar shauq hai jawe wo kahin aur

karne ko siyasat na wo iftar mein aawe

aaine mein shakl us ki dikha dega wo us ko

'barqi' ke agar lutf use ashaar mein aawe