gareban chaak hain gul bostan mein

garebāñ chaak haiñ gul bostāñ meñ

asar kitnā hai bulbul kī fuġhāñ meñ

qafas sayyād kā ḳhālī paḌā hai

na hoñ bechain kyuuñ kar āshiyāñ meñ

duā-e-vasl jā ab to asar tak

kiye nāloñ ne rauzan āsmāñ meñ

sune gar tāla-e-ḳhufta kā qissa

to niiñd aa jaa.e chashm-e-pāsbāñ meñ

zuleḳhā kī michī jaatī haiñ āñkheñ

kahīñ yūsuf na ho is kārvāñ meñ

tamām asbāb-e-duniyāvī ke badle

hai ik be-raunaqī apnī dukāñ meñ

sunā hāl-e-dil-e-'majrūh' shab ko

koī hasrat sī hasrat thī bayāñ meñ

gareban chaak hain gul bostan mein

asar kitna hai bulbul ki fughan mein

qafas sayyaad ka KHali paDa hai

na hon bechain kyun kar aashiyan mein

dua-e-wasl ja ab to asar tak

kiye nalon ne rauzan aasman mein

sune gar tala-e-KHufta ka qissa

to nind aa jae chashm-e-pasban mein

zuleKHa ki michi jati hain aankhen

kahin yusuf na ho is karwan mein

tamam asbab-e-duniyawi ke badle

hai ek be-raunaqi apni dukan mein

suna haal-e-dil-e-'majruh' shab ko

koi hasrat si hasrat thi bayan mein