gasht na kar idhar-udhar be-KHabari jahan mein hai

gasht na kar idhar-udhar be-ḳhabarī jahāñ meñ hai

apne hī dil meñ ġhaur kar dekh makīñ makāñ meñ hai

raat tamām kho chukā niiñd se sair ho chukā

jaag ki ḳhuub so chukā kūs-e-ajal fuġhāñ meñ hai

kis se misāl tujh ko duuñ ġhair kahāñ jo naam luuñ

haal kahūñ to kyā kahūñ qufl-e-adab zabāñ meñ hai

paañv bahut thakā chukā shaam kā qurb aa chukā

dauḌ ki vaqt jā chukā tū pas-e-kārvāñ meñ hai

dekh kahīñ daġhā na ho jism se jaañ judā na ho

jald sambhal ḳhatā na ho tīr-e-ajal kamāñ meñ hai

manzil-e-gor tañg hai pā-e-farāġh lañg hai

tujh ko abhī umañg hai aur hī kuchh gumāñ meñ hai

tujh ko 'nasīm' kyā huā dīd-e-jahāñ se dil uThā

rañg-e-fareb jā-ba-jā har gul-e-bostāñ meñ hai

gasht na kar idhar-udhar be-KHabari jahan mein hai

apne hi dil mein ghaur kar dekh makin makan mein hai

raat tamam kho chuka nind se sair ho chuka

jag ki KHub so chuka kus-e-ajal fughan mein hai

kis se misal tujh ko dun ghair kahan jo nam lun

haal kahun to kya kahun qufl-e-adab zaban mein hai

panw bahut thaka chuka sham ka qurb aa chuka

dauD ki waqt ja chuka tu pas-e-karwan mein hai

dekh kahin dagha na ho jism se jaan juda na ho

jald sambhal KHata na ho tir-e-ajal kaman mein hai

manzil-e-gor tang hai pa-e-faragh lang hai

tujh ko abhi umang hai aur hi kuchh guman mein hai

tujh ko 'nasim' kya hua did-e-jahan se dil uTha

rang-e-fareb ja-ba-ja har gul-e-bostan mein hai