gaya nahin tha jahan se main ho ke aaya tha

gayā nahīñ thā jahāñ se maiñ ho ke aayā thā

tire ḳhayāl ne jaane kahāñ bulāyā thā

tirī talāsh meñ bhaTkā to yaad aane lagā

vo ek ghar jo tire vāste banāyā thā

maiñ ghūrtā huuñ bujhā kar diyā-salā.ī ko

ki bhūltā huuñ ise kis liye jalāyā thā

tirī ḳhamoshī udhar mas.ala banī huī thī

udāsiyoñ ne idhar bhī qadam jamāyā thā

vo raushnī jo badan se nahīñ guzartī thī

usī ne saa.e ko dīvār se lagāyā thā

vahī udāsī mire saath saath chaltī hai

tirī nazar se jo āñkhoñ meñ bhar ke laayā thā

gaya nahin tha jahan se main ho ke aaya tha

tere KHayal ne jaane kahan bulaya tha

teri talash mein bhaTka to yaad aane laga

wo ek ghar jo tere waste banaya tha

main ghurta hun bujha kar diya-salai ko

ki bhulta hun ise kis liye jalaya tha

teri KHamoshi udhar masala bani hui thi

udasiyon ne idhar bhi qadam jamaya tha

wo raushni jo badan se nahin guzarti thi

usi ne sae ko diwar se lagaya tha

wahi udasi mere sath sath chalti hai

teri nazar se jo aankhon mein bhar ke laya tha