ghazab tha un nigahon se nigahen chaar ho jaana

ġhazab thā un nigāhoñ se nigāheñ chaar ho jaanā

vo un kā toḌ kar dil ko jigar ke paar ho jaanā

nazākat de agar mashq-e-ḳhirām-e-nāz kī ruḳhsat

sū-e-gor-e-garībāñ bhī kabhī ai yaar ho jaanā

dil-e-dīvāna se kyā bahste ho hosh meñ aao

ye kyā hai ik zarā sī chheḌ par bezār ho jaanā

vo uTh jaanā kisī 'īsā-nafas kā merī bālīñ se

vo achchhā hote hote phir mirā bīmār ho jaanā

tarīq-e-‘ishq meñ ai ḳhizr hai ik imtihāñ ye bhī

ajal kā sahl honā zindagī dushvār ho jaanā

zarā kuchh hosh meñ aa leñ to ham muusā se ye pūchheñ

ki kaisā hai kisī kā tālib-e-dīdār ho jaanā

hazāroñ paḌ ga.e raḳhne dil-o-jāñ meñ mirī 'rāfat'

vo haT kar un kā rauzan se pas-e-dīvār jaanā

ghazab tha un nigahon se nigahen chaar ho jaana

wo un ka toD kar dil ko jigar ke par ho jaana

nazakat de agar mashq-e-KHiram-e-naz ki ruKHsat

su-e-gor-e-gariban bhi kabhi ai yar ho jaana

dil-e-diwana se kya bahste ho hosh mein aao

ye kya hai ek zara si chheD par bezar ho jaana

wo uTh jaana kisi 'isa-nafas ka meri baalin se

wo achchha hote hote phir mera bimar ho jaana

tariq-e-‘ishq mein ai KHizr hai ek imtihan ye bhi

ajal ka sahl hona zindagi dushwar ho jaana

zara kuchh hosh mein aa len to hum musa se ye puchhen

ki kaisa hai kisi ka talib-e-didar ho jaana

hazaron paD gae raKHne dil-o-jaan mein meri 'rafat'

wo haT kar un ka rauzan se pas-e-diwar jaana