ghazal ka meri KHaka dekhta hai
ġhazal kā merī ḳhāka dekhtā hai
jo us gul kā sarāpā dekhtā hai
palaT kar jab masīhā dekhtā hai
mire zaḳhmoñ ko hañstā dekhtā hai
tilismī haiñ na.e insāñ kī āñkheñ
ki ghar meñ rah ke duniyā dekhtā hai
vahī kirdār zinda hai jo apnī
kahānī ko adhūrā dekhtā hai
ye sun kar merī nīñdeñ uḌ ga.ī haiñ
koī merā bhī sapnā dekhtā hai
jo uḌte haiñ uḌeñ 'ġhālib' ke purze
tamāshā.ī tamāshā dekhtā hai
samundar buuñd lagtā hai kisī ko
koī zarre meñ sahrā dekhtā hai
na jaane kis meñ hai kitnī basīrat
na jaane kaun kitnā dekhtā hai
ghazal ka meri KHaka dekhta hai
jo us gul ka sarapa dekhta hai
palaT kar jab masiha dekhta hai
mere zaKHmon ko hansta dekhta hai
tilismi hain nae insan ki aankhen
ki ghar mein rah ke duniya dekhta hai
wahi kirdar zinda hai jo apni
kahani ko adhura dekhta hai
ye sun kar meri ninden uD gai hain
koi mera bhi sapna dekhta hai
jo uDte hain uDen 'ghaalib' ke purze
tamashai tamasha dekhta hai
samundar bund lagta hai kisi ko
koi zarre mein sahra dekhta hai
na jaane kis mein hai kitni basirat
na jaane kaun kitna dekhta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
