ghazal kahna adakari nahin hai

ġhazal kahnā adākārī nahīñ hai

hamārā shauq bāzārī nahīñ hai

karūñ sajda tire naqsh-e-qadam par

abhī itnā junūñ taarī nahīñ hai

kisī ko sochnā tanhā.iyoñ meñ

mohabbat hai ye bīmārī nahīñ hai

ġham-e-dil ko ġhazal meñ Dhāltā huuñ

tumhī kah do ye fankārī nahīñ hai

amīr-e-shahr bhī mujh se ḳhafā hai

mirā lahja jo darbārī nahīñ hai

diyā hai saath ham ne har qadam par

magar nām-e-vafādārī nahīñ hai

hameñ hāsil hai fikr-o-fan kī daulat

ġhazal kahnā koī bhārī nahīñ hai

'farāz' un se ye maiñ ne zaḳhm khāyā

jinheñ aatī dil-āzārī nahīñ hai

ghazal kahna adakari nahin hai

hamara shauq bazari nahin hai

karun sajda tere naqsh-e-qadam par

abhi itna junun tari nahin hai

kisi ko sochna tanhaiyon mein

mohabbat hai ye bimari nahin hai

gham-e-dil ko ghazal mein Dhaalta hun

tumhi kah do ye fankari nahin hai

amir-e-shahr bhi mujh se KHafa hai

mera lahja jo darbari nahin hai

diya hai sath hum ne har qadam par

magar nam-e-wafadari nahin hai

hamein hasil hai fikr-o-fan ki daulat

ghazal kahna koi bhaari nahin hai

'faraaz' un se ye main ne zaKHm khaya

jinhen aati dil-azari nahin hai