ghazal ke misra ko misra se joDa jata hai

Aadarsh Dubey

ghazal ke misra ko misra se joDa jata hai

Aadarsh Dubey

MORE BYAadarsh Dubey

    ġhazal ke misra.a ko misra.a se joḌā jaatā hai

    tamām raat ġhamoñ ko nichoḌā jaatā hai

    purāne jaal se bāhar nikalnā mushkil hai

    isī liye to rivāyat ko toḌā jaatā hai

    utar gayā huuñ to ab jītnā manzil hai

    yuuñ ham se bhī kahāñ maidān chhoḌā jaatā hai

    uThānā paḌtā hai phir haath gar nahīñ sudhre

    haañ pahlī baar meñ hāthoñ ko joḌā jaatā hai

    yahāñ pe hindū bhī hoñge yahāñ musalmāñ bhī

    ye shā.irī hai yahāñ sab ko joḌā jaatā hai

    dikhā diyā mire dushman ne dostī kar ke

    ġhurūr TuuTā nahīñ hai to toḌā jaatā hai

    likhā thā naam jahāñ ne ḳhūn-e-dil se mirā

    vahīñ se ishq ke kāġhaz ko moḌā jaatā hai

    ghazal ke misra ko misra se joDa jata hai

    tamam raat ghamon ko nichoDa jata hai

    purane jal se bahar nikalna mushkil hai

    isi liye to riwayat ko toDa jata hai

    utar gaya hun to ab jitna hi manzil hai

    yun hum se bhi kahan maidan chhoDa jata hai

    uThana paDta hai phir hath gar nahin sudhre

    han pahli bar mein hathon ko joDa jata hai

    yahan pe hindu bhi honge yahan musalman bhi

    ye shairi hai yahan sab ko joDa jata hai

    dikha diya mere dushman ne dosti kar ke

    ghurur TuTa nahin hai to toDa jata hai

    likha tha nam jahan tu ne KHun-e-dil se mera

    wahin se ishq ke kaghaz ko moDa jata hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY