aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ghaT ke pas se guzregi zara dhyan rahe

Aarib Hasimi

ghaT ke pas se guzregi zara dhyan rahe

Aarib Hasimi

MORE BYAarib Hasimi

    ghaaT ke paas se guzregī zarā dhyān rahe

    fāltū baat na karnā ki mirā maan rahe

    nahīñ thā to har ik shor bhī sannāTā thā

    ya.anī ham saut-o-sadā meñ bhī pareshān rahe

    ghar se niklā huuñ duā koī nahīñ saath mire

    kaise mumkin hai ki ab rāsta āsān rahe

    ḳhush-nasībī ki mujhe dekh ke vo hoñT khule

    aur dukh ye ki mire naam se anjān rahe

    tere aane pe ka.ī phuul khile the jin meñ

    tere jaane se vo gul-dān pareshān rahe

    haañ magar khiḌkiyāñ khulne lagīñ chillāne se

    dar-o-dīvār ki be-jān the be-jān rahe

    sāmnā ho to pashemānī na ho chehroñ par

    kam se kam itnā ta'alluq to mirī jaan rahe

    jis pe ik baar tirā naqsh-e-qadam paḌ jaa.e

    kaise mumkin hai ki vo rāsta vīrān rahe

    rauzan-e-shab ke darīchoñ se havā aatī rahe

    sāñs-dar-sāñs har ik marhala āsān rahe

    kāñpte haath se us but ko chhuā thā 'ārib'

    kyā ajab hai ki salāmat mirā īmān rahe

    ghaT ke pas se guzregi zara dhyan rahe

    faltu baat na karna ki mera man rahe

    tu nahin tha to har ek shor bhi sannaTa tha

    yani hum saut-o-sada mein bhi pareshan rahe

    ghar se nikla hun dua koi nahin sath mere

    kaise mumkin hai ki ab rasta aasan rahe

    KHush-nasibi ki mujhe dekh ke wo honT khule

    aur dukh ye ki mere nam se anjaan rahe

    tere aane pe kai phul khile the jin mein

    tere jaane se wo gul-dan pareshan rahe

    han magar khiDkiyan khulne lagin chillane se

    dar-o-diwar ki be-jaan the be-jaan rahe

    samna ho to pashemani na ho chehron par

    kam se kam itna ta'alluq to meri jaan rahe

    jis pe ek bar tera naqsh-e-qadam paD jae

    kaise mumkin hai ki wo rasta viran rahe

    rauzan-e-shab ke darichon se hawa aati rahe

    sans-dar-sans har ek marhala aasan rahe

    kanpte hath se us but ko chhua tha 'arib'

    kya ajab hai ki salamat mera iman rahe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now