ghar bulata hai kabhi shauq-e-safar khinchta hai
ghar bulata hai kabhi shauq-e-safar khinchta hai
Nisar Mahmood Taseer
MORE BYNisar Mahmood Taseer
ghar bulātā hai kabhī shauq-e-safar khīñchtā hai
dauḌ paḌtā huuñ mujhe jo bhī jidhar khīñchtā hai
is tarah khīñchtī haiñ mujh ko kisī kī āñkheñ
jaise tūfān meñ kashtī ko bhañvar khīñchtā hai
kaise mumkin hai bhalā chāñd na dekhe koī
husn kāmil ho to phir ḳhud hī nazar khīñchtā hai
shaam Dhalte hī terī samt chalā aatā huuñ
jaise bhaTke hue panchhī ko shajar khīñchtā hai
us ke kūche se guzarne kā sabab hai tāsīr
ek jhoñkā sā hai ḳhushbū kā idhar khīñchtā hai
shauq kī baat hai varna suḳhan āsān nahīñ
ek misra.a bhī miyāñ ḳhūn-e-jigar khīñchtā hai
ghar bulata hai kabhi shauq-e-safar khinchta hai
dauD paDta hun mujhe jo bhi jidhar khinchta hai
is tarah khinchti hain mujh ko kisi ki aankhen
jaise tufan mein kashti ko bhanwar khinchta hai
kaise mumkin hai bhala chand na dekhe koi
husn kaamil ho to phir KHud hi nazar khinchta hai
sham Dhalte hi teri samt chala aata hun
jaise bhaTke hue panchhi ko shajar khinchta hai
us ke kuche se guzarne ka sabab hai tasir
ek jhonka sa hai KHushbu ka idhar khinchta hai
shauq ki baat hai warna suKHan aasan nahin
ek misra bhi miyan KHun-e-jigar khinchta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
