ghar hai tera tu shauq se aane ke liye aa

ghar hai tirā tū shauq se aane ke liye aa

lekin maiñ ye chāhūñgā na jaane ke liye aa

ye ruḳh bhī mohabbat kā dikhāne ke liye aa

aa mujh se nazar pher ke jaane ke liye aa

muddat se huuñ maiñ terī mulāqāt kā tālib

aa mujh pe koī zulm hī Dhāne ke liye aa

paimānoñ se piite haiñ piyeñ rind-e-ḳharābāt

tū mujh ko nigāhoñ se pilāne ke liye aa

arbāb-e-ḳhirad ko hai baḌā naaz ḳhirad par

tū un ko bhī dīvāna banāne ke liye aa

kyā maiñ tire is lutf ke qābil bhī nahīñ huuñ

ai jān-e-vafā dil hī dukhāne ke liye aa

bardāsht ise ishq kī ġhairat na karegī

kyuuñ tujh se kahūñ maiñ ki zamāne ke liye aa

ghar hai tera tu shauq se aane ke liye aa

lekin main ye chahunga na jaane ke liye aa

ye ruKH bhi mohabbat ka dikhane ke liye aa

aa mujh se nazar pher ke jaane ke liye aa

muddat se hun main teri mulaqat ka talib

aa mujh pe koi zulm hi Dhane ke liye aa

paimanon se pite hain piyen rind-e-KHarabaat

tu mujh ko nigahon se pilane ke liye aa

arbab-e-KHirad ko hai baDa naz KHirad par

tu un ko bhi diwana banane ke liye aa

kya main tere is lutf ke qabil bhi nahin hun

ai jaan-e-wafa dil hi dukhane ke liye aa

bardasht ise ishq ki ghairat na karegi

kyun tujh se kahun main ki zamane ke liye aa