ghar jala leta hai KHud apne hi anwar se tu

ghar jalā letā hai ḳhud apne hī anvār se tū

kaaT detā hai zamīñ sāya-e-dīvār se tū

is qadar tez na chal saañs ukhaḌ jā.egā

tai na kar rāh-e-talab ek hī raftār se tū

gosha-e-dil kī ḳhamoshī kā tamannā.ī maiñ

aur hañgāme uThā laayā hai bāzār se tū

to zarā sā bhī agar fitna hai barpā ho jā

apnī qāmat na baḌhā turra-e-dastār se tū

āñdhiyāñ uTThī haiñ vo dekh falak surḳh huā

toda-e-reg pe baiThā hai baḌe pyaar se tū

shab kī tārīkī meñ maiñ ne tujhe pahchān liyā

jab huvaidā na huā sub.h ke āsār se tū

muddatoñ se tirī āñkhoñ ke sadaf ḳhālī haiñ

is qadar ḳhauf na khā abr-e-guhar-bār se tū

tazkire kartā hai jalte hue sahrāoñ ke

dasht ko dekhtā hai shahr kī dīvār se tū

muntazir hai tirā ik umr se jañgal 'shahzād'

is qadar duur na rah apne talabgār se tū

ghar jala leta hai KHud apne hi anwar se tu

kaT deta hai zamin saya-e-diwar se tu

is qadar tez na chal sans ukhaD jaega

tai na kar rah-e-talab ek hi raftar se tu

gosha-e-dil ki KHamoshi ka tamannai main

aur hangame uTha laya hai bazar se tu

to zara sa bhi agar fitna hai barpa ho ja

apni qamat na baDha turra-e-dastar se tu

aandhiyan uTThi hain wo dekh falak surKH hua

toda-e-reg pe baiTha hai baDe pyar se tu

shab ki tariki mein main ne tujhe pahchan liya

jab huwaida na hua subh ke aasar se tu

muddaton se teri aankhon ke sadaf KHali hain

is qadar KHauf na kha abr-e-guhar-bar se tu

tazkire karta hai jalte hue sahraon ke

dasht ko dekhta hai shahr ki diwar se tu

muntazir hai tera ek umr se jangal 'shahzad'

is qadar dur na rah apne talabgar se tu