ghar ko ab dasht-e-karbala likkhun
ghar ko ab dasht-e-karbalā likkhūñ
aaj ḳhud apnā marsiya likkhūñ
saada kāġhaz pe ḳhuun ke aañsū
ab use ḳhat meñ aur kyā likkhūñ
barg-e-gul par sabā ke dāman par
naam terā hī jā-ba-jā likkhūñ
zikr aa.e jo terī manzil kā
chāñd-sūraj ko naqsh-e-pā likkhūñ
ho tirā hī jamāl pesh-e-nazar
jab qalam se ḳhudā ḳhudā likkhūñ
maiñ to zinda huuñ mar chukā hai vo
apne qātil kā marsiya likhūñ
ai 'sarosh' apnī zindagī ko maiñ
kaun se jurm kī sazā likkhūñ
ghar ko ab dasht-e-karbala likkhun
aaj KHud apna marsiya likkhun
sada kaghaz pe KHun ke aansu
ab use KHat mein aur kya likkhun
barg-e-gul par saba ke daman par
nam tera hi ja-ba-ja likkhun
zikr aae jo teri manzil ka
chand-suraj ko naqsh-e-pa likkhun
ho tera hi jamal pesh-e-nazar
jab qalam se KHuda KHuda likkhun
main to zinda hun mar chuka hai wo
apne qatil ka marsiya likhun
ai 'sarosh' apni zindagi ko main
kaun se jurm ki saza likkhun
Source:
Karb-e-Tanhai (Pg. 90)
- Author: Rifat Sarosh
-
- Edition: 1989
- Publisher: Naurang Kitab Ghar, Noida
- Year of Publication: 1989
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
