ghar mein rahun to apni hi tanhaiyan Dasen

ghar meñ rahūñ to apnī hī tanhā.iyāñ Daseñ

niklūñ jo shahr meñ to shanāsā.iyāñ Daseñ

vo loch vo shabāb vo andāz-e-dilkashī

jā.ūñ jab us ke paas to añgḌā.iyāñ Daseñ

vo paas ho to sub.h-e-bahārāñ hai zindagī

vo duur ho to mujh ko ye añgnā.iyāñ Daseñ

tark-e-ta'alluqāt kā ehsās jaag jaa.e

aa aa ke yaad us kī jab achhā.iyāñ Daseñ

gumnām rah ke jin kī du'ā.eñ thiiñ mere saath

shohrat milī mujhe to vo parchhā.iyāñ Daseñ

us se nazar mile to ubhar aa.e dil kī choT

vo pher le nigāh to purvā.iyāñ Daseñ

dil TūTne ke raaz se vāqif nahīñ koī

phir bhī qabīle vāloñ kī dānā.iyāñ Daseñ

kuchh log be-hisī ke samundar meñ ġharq haiñ

mujh ko shu'ūr-o-fikr kī gahrā.iyāñ Daseñ

jab apnā ḳhuun bhī na ho apnā to phir 'atīq'

mujh ko mire ḳhulūs kī rusvā.iyāñ Daseñ

ghar mein rahun to apni hi tanhaiyan Dasen

niklun jo shahr mein to shanasaiyan Dasen

wo loch wo shabab wo andaz-e-dilkashi

jaun jab us ke pas to angDaiyan Dasen

wo pas ho to subh-e-bahaaran hai zindagi

wo dur ho to mujh ko ye angnaiyan Dasen

tark-e-ta'alluqat ka ehsas jag jae

aa aa ke yaad us ki jab achhaiyan Dasen

gumnam rah ke jin ki du'aen thin mere sath

shohrat mili mujhe to wo parchhaiyan Dasen

us se nazar mile to ubhar aae dil ki choT

wo pher le nigah to purwaiyan Dasen

dil TuTne ke raaz se waqif nahin koi

phir bhi qabile walon ki danaiyan Dasen

kuchh log be-hisi ke samundar mein gharq hain

mujh ko shu'ur-o-fikr ki gahraiyan Dasen

jab apna KHun bhi na ho apna to phir 'atiq'

mujh ko mere KHulus ki ruswaiyan Dasen