ghar mujhe raat bhar Darae gaya

ghar mujhe raat bhar Darā.e gayā

maiñ diyā ban ke jhilmilā.e gayā

kal kisī ajnabī kā husn mujhe

yaad aayā to yaad aa.e gayā

koī ghā.el zamīñ kī āñkhoñ meñ

niiñd kī koñpleñ bichhā.e gayā

safar-e-ishq meñ badan us kā

duur se raushnī dikhā.e gayā

apnī lahroñ meñ rañj kā mausam

āñsuoñ ke kañval khilā.e gayā

shahr kā ek barg-e-āvāra

dasht-o-dar kī hañsī uḌaa.e gayā

aur mirā tiin saal kā bachcha

is himāqat pe muskurā.e gayā

mujh meñ kyā baat thī ra.īs-faroġh

vo sajan kyuuñ mujhe rijhā.e gayā

ghar mujhe raat bhar Darae gaya

main diya ban ke jhilmilae gaya

kal kisi ajnabi ka husn mujhe

yaad aaya to yaad aae gaya

koi ghael zamin ki aankhon mein

nind ki konplen bichhae gaya

safar-e-ishq mein badan us ka

dur se raushni dikhae gaya

apni lahron mein ranj ka mausam

aansuon ke kanwal khilae gaya

shahr ka ek barg-e-awara

dasht-o-dar ki hansi uDae gaya

aur mera tin sal ka bachcha

is himaqat pe muskurae gaya

mujh mein kya baat thi rais-farogh

wo sajan kyun mujhe rijhae gaya