ghar se nikle der hui hai ghar ko lauT chalen

ghar se nikle der huī hai ghar ko lauT chaleñ

gūñgī rāteñ dhuup kaḌī hai ghar ko lauT chaleñ

duur se tere miit aa.e haiñ tujh se riit nibhāne

rauzan par zanjīr paḌī hai ghar ko lauT chaleñ

dhīme dhīme āñchal vaalī aaj bhī aas lagā.e

darvāze par aan khaḌī hai ghar ko lauT chaleñ

bastī bastī charchā jin kā sunte sunte aa.e

shahr meñ aa kar baat khulī hai ghar ko lauT chaleñ

kal 'chuġhtā.ī' ham vahshī the aaj bhī ham dīvāne

kab se apnī aas lagī hai ghar ko lauT chaleñ

ghar se nikle der hui hai ghar ko lauT chalen

gungi raaten dhup kaDi hai ghar ko lauT chalen

dur se tere mit aae hain tujh se rit nibhane

rauzan par zanjir paDi hai ghar ko lauT chalen

dhime dhime aanchal wali aaj bhi aas lagae

darwaze par aan khaDi hai ghar ko lauT chalen

basti basti charcha jin ka sunte sunte aae

shahr mein aa kar baat khuli hai ghar ko lauT chalen

kal 'chughtai' hum wahshi the aaj bhi hum diwane

kab se apni aas lagi hai ghar ko lauT chalen