ghar se tumhaari di hui chizen nikal den
ghar se tumhārī dī huī chīzeñ nikāl deñ
jaise ḳhud apne jism se sāñseñ nikāl deñ
dekhā bas ik dafa use maiñ ne qarīb se
phir ahl-e-shahr ne mirī āñkheñ nikāl diiñ
hairat hai us ne qaid bhī ḳhud hī kiyā mujhe
phir ḳhud mire farār kī rāheñ nikāl diiñ
kuchh us ne bhī saheliyoñ ke muñh se sun liyā
kuchh mere dostoñ ne bhī bāteñ nikāl diiñ
ik pal meñ ḳhatm ho ga.ī umr-e-tavīl bhī
jab zindagī se hijr kī rāteñ nikāl diiñ
jaane vo kis ke vāste likhī ga.iiñ ai dost
maiñ ne musavvade se jo nazmeñ nikāl diiñ
ghar se tumhaari di hui chizen nikal den
jaise KHud apne jism se sansen nikal den
dekha bas ek dafa use main ne qarib se
phir ahl-e-shahr ne meri aankhen nikal din
hairat hai us ne qaid bhi KHud hi kiya mujhe
phir KHud mere farar ki rahen nikal din
kuchh us ne bhi saheliyon ke munh se sun liya
kuchh mere doston ne bhi baaten nikal din
ek pal mein KHatm ho gai umr-e-tawil bhi
jab zindagi se hijr ki raaten nikal din
jaane wo kis ke waste likhi gain ai dost
main ne musawwade se jo nazmen nikal din
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
