ghar sulagta sa hai aur jalta hua sa shahr hai
ghar sulagtā sā hai aur jaltā huā sā shahr hai
zindagānī ke liye ab do-jahāñ kā qahr hai
jaao lekin surḳh sho.aloñ ke sivā pāoge kyā
sansanāte dasht meñ kaalī havā kā qahr hai
dil ye kyā jaane ki kyā shai hai harārat ḳhuun kī
jism kyā samjhe ki kaisī zindagī kī lahr hai
ai mohabbat maiñ tirī betābiyoñ ko kyā karūñ
baḌh ke chashm-e-yār se barham mizāj-e-dahr hai
bhar rahā huuñ kis sharāb-e-dard se jām-e-ġhazal
ruuh meñ kuchle hue jazbāt kī ik nahr hai
zindagī se bhaag kar 'parkāsh' maiñ jā.ūñ kahāñ
ghar ke bāhar qahr hai aur ghar ke andar zahr hai
ghar sulagta sa hai aur jalta hua sa shahr hai
zindagani ke liye ab do-jahan ka qahr hai
jao lekin surKH shoalon ke siwa paoge kya
sansanate dasht mein kali hawa ka qahr hai
dil ye kya jaane ki kya shai hai hararat KHun ki
jism kya samjhe ki kaisi zindagi ki lahr hai
ai mohabbat main teri betabiyon ko kya karun
baDh ke chashm-e-yar se barham mizaj-e-dahr hai
bhar raha hun kis sharab-e-dard se jam-e-ghazal
ruh mein kuchle hue jazbaat ki ek nahr hai
zindagi se bhag kar 'parkash' main jaun kahan
ghar ke bahar qahr hai aur ghar ke andar zahr hai
Source:
Rooh-e-Ghazal,Pachas Sala Intekhab (Pg. 594)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
