aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gharon mein sabza chhaton par gul-e-sahab liye

Nazeer Qaisar

gharon mein sabza chhaton par gul-e-sahab liye

Nazeer Qaisar

MORE BYNazeer Qaisar

    gharoñ meñ sabza chhatoñ par gul-e-sahāb liye

    havā.eñ phail ga.iiñ naqsh-o-rañg-e-āb liye

    shab-e-siyāh Dhalī sub.h āshkār huī

    jabīñ pe zaḳhm liye haath meñ gulāb liye

    maiñ ek Dhaltā saayā zamīñ ke qadmoñ meñ

    DhūñDne mujhe niklā hai āftāb liye

    guzar gayā koī pahchāntā huā mujh ko

    purānī yādoñ sham.eñ pas-e-naqāb liye

    bikhar ke jaatā kahāñ tak ki maiñ to ḳhushbū thā

    havā chalī thī mujhe apne ham-rikāb liye

    ubhar rahe haiñ ka.ī haath shab ke parde se

    koī sitāra liye koī māhtāb liye

    havā.eñ phirtī haiñ rastoñ meñ baal khole hue

    ye raat sar pe khaḌī hai koī azaab liye

    ajab nahīñ kahīñ ta.abīr koī mil jaa.e

    bhaTak rahā huuñ girah meñ hujūm-e-ḳhvāb liye

    gharon mein sabza chhaton par gul-e-sahab liye

    hawaen phail gain naqsh-o-rang-e-ab liye

    shab-e-siyah Dhali subh aashkar hui

    jabin pe zaKHm liye hath mein gulab liye

    main ek Dhalta sa saya zamin ke qadmon mein

    tu DhunDne mujhe nikla hai aaftab liye

    guzar gaya koi pahchanta hua mujh ko

    purani yaadon ki shamen pas-e-naqab liye

    bikhar ke jata kahan tak ki main to KHushbu tha

    hawa chali thi mujhe apne ham-rikab liye

    ubhar rahe hain kai hath shab ke parde se

    koi sitara liye koi mahtab liye

    hawaen phirti hain raston mein baal khole hue

    ye raat sar pe khaDi hai koi azab liye

    ajab nahin kahin tabir koi mil jae

    bhaTak raha hun girah mein hujum-e-KHwab liye

    Source:

    Mujalla Dastavez (Pg. 604)

    • Author: Aziz Nabeel
      • Edition: 2013-14
      • Publisher: Edarah Dastavez
      • Year of Publication: 2013-14
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now