ghaTa hai bagh hai mai hai subu hai jam hai saqi
ghaTa hai bagh hai mai hai subu hai jam hai saqi
Kunwar Mahendra Singh Bedi Sahar
MORE BYKunwar Mahendra Singh Bedi Sahar
ghaTā hai baaġh hai mai hai subū hai jaam hai saaqī
ab is ke ba.ad jo kuchh hai vo terā kaam hai saaqī
umīd-e-vasl rakhnā ik ḳhayāl-e-ḳhām hai saaqī
burā to kuchh nahīñ lekin mazāq-e-ām hai saaqī
falak dushman muḳhālif gardish-e-ayyām hai saaqī
magar ham haiñ tirī mahfil hai daur-e-jām hai saaqī
jo apnī har nazar se ik ḳhudā taḳhlīq karte haiñ
unheñ dair o haram sī chiiz se kyā kaam hai saaqī
udāsī sard aaheñ karb hasrat dard majbūrī
mohabbat talḳhiyoñ kā ek shīrīñ naam hai saaqī
jinheñ shauq-e-talab hai aur jinheñ zauq-e-tajassus hai
unheñ koh-o-bayābāñ manzil-e-yak-gām hai saaqī
ghaTa hai bagh hai mai hai subu hai jam hai saqi
ab is ke baad jo kuchh hai wo tera kaam hai saqi
umid-e-wasl rakhna ek KHayal-e-KHam hai saqi
bura to kuchh nahin lekin mazaq-e-am hai saqi
falak dushman muKHalif gardish-e-ayyam hai saqi
magar hum hain teri mahfil hai daur-e-jam hai saqi
jo apni har nazar se ek KHuda taKHliq karte hain
unhen dair o haram si chiz se kya kaam hai saqi
udasi sard aahen karb hasrat dard majburi
mohabbat talKHiyon ka ek shirin nam hai saqi
jinhen shauq-e-talab hai aur jinhen zauq-e-tajassus hai
unhen koh-o-bayaban manzil-e-yak-gam hai saqi
Source:
Aazadi ke baad dehli men urdu gazal (Pg. 174)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
