ayan hai be-ruKHi chitwan se aur ghussa nigahon se

Arzoo Lakhnavi

ayan hai be-ruKHi chitwan se aur ghussa nigahon se

Arzoo Lakhnavi

MORE BYArzoo Lakhnavi

    ayaañ hai be-ruḳhī chitvan se aur ġhussa nigāhoñ se

    payām-e-ḳhāmushī aur vo bhī do do nashr-gāhoñ se

    vabāl-e-jāñ hai aisī zindagī jis meñ talātum ho

    miTā luuñ hausle phir tauba kar lūñgā gunāhoñ se

    fazā mahdūd kab hai ai dil-e-vahshī falak kaisā

    nilāhaT hai nazar dekhte haiñ jo nigāhoñ se

    haqīqat meñ nigāhoñ se koī manzil nahīñ bachtī

    guzarte dekhe haiñ gosha-nashīñ tak shāh-rāhoñ se

    tahī-dastān-e-qismat ko na lenā thā na denā thā

    hisāb-e-zindagī kyā hai ye pūchho bādshāhoñ se

    hameñ to jalte dil raushnī meñ aage baḌhnā hai

    haTā do qumqume bijlī ke nā-hamvār rāhoñ se

    mire nāloñ ke sab shākī koī un ko nahīñ kahtā

    khurachte rahte haiñ jo zaḳhm-e-dil ḳhūnī nigāhoñ se

    pilā do zahr-e-ġham dil ko na chhoḌe gar havas-kārī

    gunah vo ek achchhā jo bachā le sau gunāhoñ se

    hamīñ kuchh 'ārzū' pher un bātoñ samajhte haiñ

    jo haq-poshī meñ sach ko jhuuT karte haiñ gavāhoñ se

    ayan hai be-ruKHi chitwan se aur ghussa nigahon se

    payam-e-KHamushi aur wo bhi do do nashr-gahon se

    wabaal-e-jaan hai aisi zindagi jis mein talatum ho

    miTa lun hausle phir tauba kar lunga gunahon se

    faza mahdud kab hai ai dil-e-wahshi falak kaisa

    nilahaT hai nazar ki dekhte hain jo nigahon se

    haqiqat mein nigahon se koi manzil nahin bachti

    guzarte dekhe hain gosha-nashin tak shah-rahon se

    tahi-dastan-e-qismat ko na lena tha na dena tha

    hisab-e-zindagi kya hai ye puchho baadshahon se

    hamein to jalte dil ki raushni mein aage baDhna hai

    haTa do qumqume bijli ke na-hamwar rahon se

    mere nalon ke sab shaki koi un ko nahin kahta

    khurachte rahte hain jo zaKHm-e-dil KHuni nigahon se

    pila do zahr-e-gham dil ko na chhoDe gar hawas-kari

    gunah wo ek achchha jo bacha le sau gunahon se

    hamin kuchh 'arzu' pher un ki baaton ka samajhte hain

    jo haq-poshi mein sach ko jhuT karte hain gawahon se

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now