jahan ki hai jurm ek nigah karna

Arzoo Lakhnavi

jahan ki hai jurm ek nigah karna

Arzoo Lakhnavi

MORE BYArzoo Lakhnavi

    jahāñ ki hai jurm ek nigāh karnā

    vahīñ hai gunah pe DaT ke gunāh karnā

    butoñ se baḌhā ke mel nibāh karnā

    jahāñ ke safed ko he siyāh karnā

    sikhāyā hai mujh ko is mirī be-kasī ne

    usī ko sitam us ke gavāh karnā

    lubhāne se dil ke thā to ye mudda.ā thā

    ġharīb zindagī ko tabāh karnā

    yahī to hai haañ yahī vo adā-e-ma.asūm

    alag huī jo sikhā ke gunāh karnā

    jafā se bhī leñ maza na vafā kyūñkar

    hameñ to har ik tarah hai nibāh karnā

    ye kahtā hai chashm-e-hosh-rubā jaadū

    tujhe tire haath se hai tabāh karnā

    tirī nazar se sīkhā hai āh-e-dil ne

    jigar meñ shigāf Daal ke raah karnā

    nazar meñ nazar gaḌā.e hai yuuñ vo zālim

    ki 'ārzū' ab kaThin hai ik aah karnā

    jahan ki hai jurm ek nigah karna

    wahin hai gunah pe DaT ke gunah karna

    buton se baDha ke mel nibah karna

    jahan ke safed ko he siyah karna

    sikhaya hai mujh ko is meri be-kasi ne

    usi ko sitam ka us ke gawah karna

    lubhane se dil ke tha to ye muddaa tha

    gharib ki zindagi ko tabah karna

    yahi to hai han yahi wo ada-e-masum

    alag hui jo sikha ke gunah karna

    jafa se bhi len maza na wafa ka kyunkar

    hamein to har ek tarah hai nibah karna

    ye kahta hai chashm-e-hosh-ruba ka jadu

    tujhe tere hath se hai tabah karna

    teri nazar se sikha hai aah-e-dil ne

    jigar mein shigaf Dal ke rah karna

    nazar mein nazar gaDae hai yun wo zalim

    ki 'arzu' ab kaThin hai ek aah karna

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now