qadam qadam pe tamanna-e-iltifat to dekh

qadam qadam pe tamannā-e-iltifāt to dekh

zavāl-e-ishq meñ saudāgaroñ kā haat to dekh

bas ek ham the jo thoḌā sā sar uThā ke chale

isī ravish pe raqīboñ ke vāqi.āt to dekh

ġham-e-hayāt meñ hāzir huuñ lekin ek zarā

nigār-e-shahr se mere ta.alluqāt to dekh

ḳhud apnī aañch meñ jaltā hai chāñdnī kā badan

kisī ke narm ḳhunuk gesuoñ kī raat to dekh

atā kyā dil-e-muztar to sī diye mere hoñT

ḳhudā-e-kaun-o-makāñ ke tavahhumāt to dekh

gunāh meñ bhī baḌe ma.arifat ke mauqe haiñ

kabhī kabhī use be-ḳhadsha-e-najāt to dekh

qadam qadam pe tamanna-e-iltifat to dekh

zawal-e-ishq mein saudagaron ka hat to dekh

bas ek hum the jo thoDa sa sar uTha ke chale

isi rawish pe raqibon ke waqiat to dekh

gham-e-hayat mein hazir hun lekin ek zara

nigar-e-shahr se mere talluqat to dekh

KHud apni aanch mein jalta hai chandni ka badan

kisi ke narm KHunuk gesuon ki raat to dekh

ata kya dil-e-muztar to si diye mere honT

KHuda-e-kaun-o-makan ke tawahhumat to dekh

gunah mein bhi baDe marifat ke mauqe hain

kabhi kabhi use be-KHadsha-e-najat to dekh