zaban-e-ghair se kya sharh-e-arzu karte

Mustafa Zaidi

zaban-e-ghair se kya sharh-e-arzu karte

Mustafa Zaidi

MORE BYMustafa Zaidi

    ''zabān-e-ġhair se kyā sharh-e-ārzū karte''

    vo ḳhud agar kahīñ miltā to guftugū karte

    vo zaḳhm jis ko kiyā nok-e-āftāb se chaak

    usī ko sozan-e-mahtāb se rafū karte

    savād-e-dil meñ lahū surāġh bhī na milā

    kise imaam banāte kahāñ vazū karte

    vo ik tilism thā qurbat meñ us ke umr kaTī

    gale lagā ke use us aarzū karte

    halaf uThā.e haiñ majbūriyoñ ne jis ke liye

    use bhī log kisī roz qibla-rū karte

    junūñ ke saath bhī rasmeñ ḳhirad ke saath bhī qaid

    kise rafīq banāte kise adū karte

    hijāb uThā diye ḳhud nigār-ḳhānoñ ne

    hameñ dimāġh kahāñ thā ki aarzū karte

    zaban-e-ghair se kya sharh-e-arzu karte

    wo KHud agar kahin milta to guftugu karte

    wo zaKHm jis ko kiya nok-e-aftab se chaak

    usi ko sozan-e-mahtab se rafu karte

    sawad-e-dil mein lahu ka suragh bhi na mila

    kise imam banate kahan wazu karte

    wo ek tilism tha qurbat mein us ke umr kaTi

    gale laga ke use us ki aarzu karte

    halaf uThae hain majburiyon ne jis ke liye

    use bhi log kisi roz qibla-ru karte

    junun ke sath bhi rasmen KHirad ke sath bhi qaid

    kise rafiq banate kise adu karte

    hijab uTha diye KHud hi nigar-KHanon ne

    hamein dimagh kahan tha ki aarzu karte

    Source :
    • Book : Kulliyat-e-Mustafa Zaidi(Qaba-e-Saaz) (Pg. 53)
    • Author : Mustafa Zaidi
    • Publication : Alhamd Publications (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY