dosto kya hai takalluf mujhe sar dene mein

dosto kyā hai takalluf mujhe sar dene meñ

sab se aage huuñ maiñ kuchh apnī ḳhabar dene meñ

pheñk detā hai udhar phuul vo gaahe gaahe

jaane kyā der hai dāman mirā bhar dene meñ

saikaḌoñ gum-shuda duniyā.eñ dikhā diiñ us ne

aa gayā lutf use luqma-e-tar dene meñ

shā.erī kyā hai ki ik umr gañvā.ī ham ne

chand alfāz ko imkān o asar dene meñ

baat ik aa.ī hai dil meñ na batā.ūñ us ko

aib kyā hai magar iz.hār hī kar dene meñ

use ma.alūm thā ik mauj mire sar meñ hai

vo jhijhaktā thā mujhe hukm-e-safar dene meñ

maiñ nadī paar karūñ soch rahā huuñ 'bānī'

mauj masrūf hai paanī ko bhañvar dene meñ

dosto kya hai takalluf mujhe sar dene mein

sab se aage hun main kuchh apni KHabar dene mein

phenk deta hai udhar phul wo gahe gahe

jaane kya der hai daman mera bhar dene mein

saikaDon gum-shuda duniyaen dikha din us ne

aa gaya lutf use luqma-e-tar dene mein

shaeri kya hai ki ek umr ganwai hum ne

chand alfaz ko imkan o asar dene mein

baat ek aai hai dil mein na bataun us ko

aib kya hai magar izhaar hi kar dene mein

use malum tha ek mauj mere sar mein hai

wo jhijhakta tha mujhe hukm-e-safar dene mein

main nadi par karun soch raha hun 'bani'

mauj masruf hai pani ko bhanwar dene mein